Pixies voru bara Æðisleg







Það var svo merkilegt á þessum tónleikum að sjá öll þessi andlit sem maður hefur ekki séð í fjölda ára en kannast við en þekkir ekki neitt... Það er á þessum stundum sem maður áttar sig á því að Ísland er bara pínulítið sker. Við komum akkurat á rétta tímanum á tónleikana Ghostigital var að spila síðasta lagið sitt og ég hefði ekki viljað koma mikið fyrr, meira segja hefði verið betra að koma þegar byrjað var að klappa fyrir þessum skemmtilegu róturum sem segja EINN, TVEIR af svo mikilli kunnáttu í míkrafóninn að maður roðnar og fær gæsahúð í einu. Pixies tóku þetta fremur rólega framan af en keyrðu svo allt prógrammið í botn og það tók svona rúman klukkutíma og gæsahúðin hélt áfram að hríslast niður bakið þegar lögunum fjölgaði. Eftir tónleikana var andrúmsloftið eins og maður ætti að fara í eftirápartý en það var enginn sem bauð - skrítið ..

Stokkhólmur



Ég ætla ekkert að fara að afsaka það að ég hafi ekki tjáð mig neitt í hálfan mánuð.. svona verður þetta bara kannski :) Boston var æðisleg, Rúna Lóa lék sér á bleyjunni í Boston Common húfulaus og fílaði sig í botn og skoðaði íkorna. Á meðan við hjónakornin vorum við úti barst minni elskulegu eigikonu atvinnutilboð sem eiginlega er ekki hægt að hafna, en það þýðir líka að við verðum að flytja okkur um set úr Kópavoginum góða til Stokkhólms og læra svenska.. Það sem er nú svo Íronískt við þetta allt saman er að um leið og við gengum inn um dyrnar á Borgarholtsbrautinni beið mín bréf þar sem ég hafði verið samþykktur inní meistaranám hérna á Íslandi í víðskiptadeildinni í stjórnun og stefnumótun.. þetta er eitthvað sem ég hef mikinn áhuga á. Nú er ég á fullu að finna eitthvað sambærilegt í Stokkhólmi og mér sýnist handelshögskolan vera sá skóli sem er hvað skástur.. en ég veit ekkert svo sem í minn haus í þessum málum. Við hjónin ætlum að fara út eftir helgi og skoða aðstæður og jafnvel skoða einhver hús en það ku vera mjög erfitt að fá húsnæði í Stokkhólmsléni. Hvað um það við erum með fólk frá SAS í því að redda húsnæði þannig að ég hef ekki beint áhyggjur af því ;) Pixies í kväll.. Black Francis var víst frábær í gær vona að hann verði einnig í stuði í kvöld..

Boston með Búbbið



þá er það orðið offissíjelt.. Ég fer til Boston með frúnni ásamt Rúnu Lóu. Hvað er hægt að gera í Boston, ég hef bara einu sinni komið til USA áður en það var fyrir 8 árum en þá fór ég í útskriftarferð með félögum mínum í HÍ og ég er ekki enn útskrifaður :( Þá fór ég til WashingtonDC og skoðaði fjöldann allan af söfnum, ég ætla ekki að gera það núna, nein takk.. Ég hef meiri áhuga á að kíkja á Boston University og forvitnilegt væri einnig að kíkja á barnasafnið. Annars fer maður bara þarna út og nýtur lífsins keyrir Rúnu Lóu um í kerrunni og sýnir henni hvar Amma Rúna lærði í Boston og svoleiðis.

Nýtt commentakerfi!



Merkilegt hvað maður getur verið að dunda við þegar maður á að vera að lesa undir próf :( Kommentakerfið er komið inn, enda var vaknað kl. 6 í morgun það verður víst að teljast framför því í gærmorgun var klukkan 05:09 Gvöð hjálpi mér... verðum að fara að fá okkur almennilegar gardínur þannig að Rúna Lóa vakni ekki alltaf við fyrstu sólargeislana.. en svo maður sé nú svolitlum Pollýönnuleik þá var yndislegt að vakna svona snemma og hlusta á Lóuna Þ.e. fuglinn... tísta hérna í holtinu.

Eiginkonan til Berlínar



Ragga fór til Berlínar eldsnemma í morgun.. Litla skott vaknaði rétt fyrir kl. 6 og er með það alveg á hreinu að hún vill ekki sofa í sínu rúmi.. Nú er það verkefni helgarinnar að venja hana á að sofa í sínu rúmi.. ekki létt verk :-|
Sálfræðináminu ψ miðar vel..

Vinnusálfræði eða I/O ?



er út í háskóla í svaka gír.. Er að fara yfir próf í vinnusálfræði og lesa bók Muchinsky's.. Sumar spurningarnar á þessu gamla prófi eru afar svínslegar og það vekur hjá mér ugg þannig að maður verður nú aðeins að spýta í lófana eins og sagt er á íþróttamáli.. Annars fann ég ákaflega gagnlegan vef sem ég er að nota í próflestrinum núna og hjálpar hann manni með ýmsum hætti td. með interaktívum spurningum ofl. ótrúlega kúl..