Melinda och Melinda

Konan var með saumaklúbb í gær og þá notaði ég tækifærið og fór í bíó. Það hef ég ekki gert síðan ég sá hina ótrúlega slöku The Forgotten
. Í gær fór ég hins vegar að sjá frábæra mynd Melinda och Melinda eins og hún heitir hér í Svíþjóð. Myndin byrjar á því að fólk situr að snæðingi og fjallar um sögu sem það heyrði og hvarnig það túlkar hana. Sumir túlka hana sem drama og aðrir sem kómík. Mjög skemmtileg mynd frá Woody Allen. 3/4

Hlynur

þessi er tekin af Hlyni í sumar þegar við vorum stödd í húsi Lóu og Sigfúsar á Sandi í Aðaldal. Yndislegur tími og gott veður. Takk fyrir okkur

Rúna Lóa

þessi mynd var tekin af stoltum húseiganda milli jóla og nýárs þegar hún sýndi Hlyni og Sindra húsið sitt og færni sína í eldhúsinu.

Sindri Snær

Sindri Sæti á aðfangadagskvöld að bíða eftir að við opnuðum pakkana. Strákarnir fengu að opna einn pakka kl. 6 og síðan voru pakkarnir opnaðir þegar við vorum búin að ganga frá eftir matinn.

Sjónvarp í Svíþjóð

Það verður nú að hafa smá húmor til þess að nenna að horfa á sjónvarpið hérna. Við höfum um nokkrar stöðvar að velja en horfum mest á 3,4 og 5 og svo eru ágætir þættir stundum á Discovery þegar maður hefur misst húmórinn.. Þessir raunveruleikaþættir fara stundum alveg með mann. Núna er í algeru uppáhaldi Streight eller Gay uppá svenskuna.. Þetta er byggt upp svipað og Bachelor en uþb helmingur þátttakenda er gay og enginn veit hver það er. Fullt af húmor og fordómum. Hinn þátturinn sem kemst á listann að þessu sinni er þáttur sem nær nýju og áður óþekktu hámarki í lélegheitum.. Melrose Place.. það er svo mikið að gerast í þessum þáttum að manni svimar bara við að horfa á einn þátt, tam þá getur ein persóna gifst, orðið blind, geðveik, og tekin sem gísl í einum og sama þættinum. þeir sköllóttu og fallegu ætti að reyna að toppa þetta.. svo ekki sé talað um East of Eden part V, Lace eða Falcon Crest.