Ross

src='http://photos1.blogger.com/img/285/2983/200/ross.jpg'>


 I'm Ross Gellar from Friends!
Take the Friends Quiz here.

Ammæli í dag

ammæli í dag...


Jamm þá er hann orðinn þrjátíu og fimm karlinn.. og ruglið bara eykst. Nú vitum við ekkert hvort við komum til með að eiga heima í Sviþjóð eða Danmörku. Rétt fyrir síðustu helgi spurði yfirmaður hennar Röggu hvort við værum felxible.. vegna þess að það sagði ein kella upp í danaveldi og það gæti verið meiri þörf á henni þar. Skrítið að vera búinn að gíra sig inn í Svíakúltúr en fá svo þetta upp í feisið. Við erum bara agndofa yfir þessu.. Nánast allir sem við tölum við segja "veljið Danmörku fram yfir Svíþjóð, Danir eru miklu skemmtilegri" Við erum alveg ótrúlega rugluð í þessu... en ef við hefðum verið spurð fyrir mánuði síðan þá hefði ekki verið spurning um hver kosturinn hefði verið valinn.. en nú þegar við erum komin með ævintýrahúsið í Skärpäng og leikskólapláss þá horfir málið svolítið öðruvísi við.

Nýjar myndir


vorum að koma frá Svíþjóð og það var mjög yndislegt að vera hjá Möggu og Henrik, Algjörlega óskiljanleg tilviljun að þau skuli flytja til íslands um leið og við flytjum til Svíþjóðar. Rúna Lóa skoðaði leikskólan sinn sem heitir Högåsan og er í 2ja mínútna fjarlægð frá húsinu okkar, hún ærðist þegar hún kom þangað inn.. hvorki meira né minna.. vildi bara strax fara að leika og ég sé hana ekki alveg fíla 2ja vikna aðlögunartíma Svíanna en það verður samt gaman þegar hún byrjar að leika með öðrum krökkum því hún er í mikilli þörf fyrir það. Ég setti inn myndir af nýja húsinu í Skärpäng á myndasíðuna ásamt nokkrum af Rúnu Lóu og Röggu. Við fórum nebblega í heimsókn á sunnudaginn og leigjendurnir voru svo sæt að sletta í eina rjómaköku með jarðarberjum úr garðinum.. Svo þegar við komum í haust vera eplin sennilega orðin þroskuð og fín :)

að flytja til täby


Täby er bær rétt fyrir utan Stokkhólm eiginlega svona Garðabær eða Mosfellsbær þeirra helv. nullotterna en það eru stokkhólmsbúar kallaðir af hinum. Öll númer í Stokkhólmi byrja nebblega á 08.. þetta sagði Finnur mágur mér en hann býr í Skövde með sinni heittelskuðu en þau eru að flytja til Cph því er nú helv. ver. Þegaar við við Ragga vorum að ganga frá ráðningunni í Sverige í síðustu viku skoðuðum við líka húsnæði. 6 stk. og leist okkur strax vel á það fyrsta og reyndar eitt annað þau eru bæði í Täby annað í Skarpäng og hitt í Gribbylund. Þetta eru algjör fantasíu heimili eins og klippt út úr skáldsögu e. Astrid Lindgren. En í fyrra húsinu sem við erum spenntari fyrir er stór garður, og dúkkúhús fyrir Rúnu Lóu og og jarðaber handa frúnni svo ekki sé talað um fimm mínútur í næstu baðströnd.

Pixies voru bara Æðisleg







Það var svo merkilegt á þessum tónleikum að sjá öll þessi andlit sem maður hefur ekki séð í fjölda ára en kannast við en þekkir ekki neitt... Það er á þessum stundum sem maður áttar sig á því að Ísland er bara pínulítið sker. Við komum akkurat á rétta tímanum á tónleikana Ghostigital var að spila síðasta lagið sitt og ég hefði ekki viljað koma mikið fyrr, meira segja hefði verið betra að koma þegar byrjað var að klappa fyrir þessum skemmtilegu róturum sem segja EINN, TVEIR af svo mikilli kunnáttu í míkrafóninn að maður roðnar og fær gæsahúð í einu. Pixies tóku þetta fremur rólega framan af en keyrðu svo allt prógrammið í botn og það tók svona rúman klukkutíma og gæsahúðin hélt áfram að hríslast niður bakið þegar lögunum fjölgaði. Eftir tónleikana var andrúmsloftið eins og maður ætti að fara í eftirápartý en það var enginn sem bauð - skrítið ..